Gallica rósir

Gallica rósir eru blendingar Rosa gallica sem vex villt í S-Evrópu. Þær mynda þétta runna, með frekar grófu, fagurgrænu laufi.  Blómin geta verið einföld eða mikið fyllt og litaskalinn er frá hvítum yfir í dökkrauða og fjólubláa liti. Sortir með einföldum blómum eru margar harðgerðari en þær sem eru með fylltum blómum.  Þær þurfa allar gott skjól.  

Skáldarósir eru blendingar af gallica rósum sem kenndar hafa verið við Rosa x francofurtana, en hún er blendingur Rosa gallica og Rosa cinnamomea. Það sem greinir þær frá öðrum gallica rósum er að þær eru heldur hávaxnari með grófgerðara laufi og margar heldur harðgerðari.

'Agatha'

'Agatha' er gömul gallica rós með fylltum, bleikum blómum.

'Empress Josephine'

'Empress Josephine' er gömul gallica rós með fylltum, bleikum blómum.

'Hippolyte'

'Hippolyte' er gömul gallica rós með þéttfylltum, purpurarauðum blómum sem verða fjólublá þegar þau eldast.

'Merveille'

'Merveille' er nýleg, finnsk gallica rós með hálffylltum, purpurarauðum blómum.

'Officinalis'

Apótekararós

'Officinalis' er mjög gömul gallicu rós með hálffylltum, rauðbleikum blómum.

'Olkkala'

'Olkkala' er finnsk fundrós af gallicu kyni með einföldum, bleikum blómum.

'Ruustinna'

'Ruustinna' er finnsk fundrós af gallicu kyni með fylltum, rósbleikum blómum. Hún hét áður 'Sanna'.

'Splendens'

Skáldarós

'Splendens' er gömul gallica rós með einföldum, rauðbleikum blómum.

'Tuscany Superb'

'Tuscany Superb' er gömul gallicu rós með hálffylltum, vínrauðum blómum.