Nútíma runnarósir (Modern Shrub)

Rósir sem komið hafa fram á síðustu 100 árum og passa ekki í ofangreinda flokka eru yfirleitt flokkaðar sem nútíma runnarósir.  Þær líkjast oft stórvöxnum terósarblendingum eða klasarósum og flestar líkjast á engan hátt runnum við íslenskar aðstæður.  Þær myndu flestar flokkast sem beðrósir hér.  Sumar eru harðgerðari en fyrrgreindir flokkar nútímarósa og líklegri til að standast íslenskar aðstæður.


Nútíma klifurrósir eru í raun stórvaxnar nútíma runnarósir frekar en eiginlegar klifurrósir.   Þær hafa langar, veikburða greinar sem þurfa stuðning.  Flestar eru lotublómstrandi. Flestar þeirra verða ekki hávaxnar hér á landi og eru því flokkaðar með nútíma runnarósunum hér.

'Alibaba'

'Ali Baba'

'Alibaba' er nútíma runnarós með laxableikum blómum.

'Aloha'

'Aloha' er nútíma runnarós með bleikum blómum með ferskjulitri miðju.

'Bonica'

sh. 'Bonica 82'

'Bonica' er nútíma runnarós með stórum klösum af bleikum blómum sem lýsast með aldrinum.

'Dornröschen'

sh. 'Belle au Bois Dormant' ; 'Sleeping Beauty'

'Dornröschen' er nútíma runnarós með stórum, fylltum, bleikum blómum.

'Flammentanz'

sh. 'Flame Dance'; 'Flaming Dance'; 'Vlammenspel'

'Flammentanz' er nútíma klifurrós með fylltum, rauðbleikum blómum.

'Fritz Nobis'

'Fritz Nobis' er nútíma runnarós með fylltum, bleikum blómum með ferskjulitri miðju.