Musterisblóm (Astilbe) eru ræktuð sem skuggaplöntur í heitara loftslagi, en hér á landi þurfa þau sól a.m.k. hálfan daginn. Þau þrífast best í vel framræstum, lífefnaríkum, jafnrökum jarðvegi. Blómgun í ágúst - september. Þurfa ekki stuðning. Frábærar garðplöntur, sem þurfa litla umhirðu.

Musterisblóm eru fjölærar plöntur sem tilheyra ættkvíslinni Astilbe í steinbrjótsætt (Saxifragaceae).  Þau blómstra síðsumars og fram eftir hausti og setja mikinn svip á garðinn á þeim árstíma. Blómstönglarnir eru sterkir og þurfa ekki stuðning. Þeir standa frameftir vetri  Musterisblóm þrífast best í sól eða skugga part úr degi í frjóum, vel framræstum jarðvegi.